Ուկրաինայում Ամերիկայի Միացյալ Նահանգների դեսպանատունը Ռուսաստանի Դաշնության Պետական դումայի դիմումը ՌԴ նախագահ Վլադիմիր Պուտինին ռուսական «ԼԺՀ» և «ԴԺՀ» օկուպացիոն վարչակազմերը որպես «անկախ պետություններ» ճանաչելու խնդրանքով համարում է Ուկրաինայի ինքնիշխանությունը խախտելու հերթական փորձ:
Այս մասին ասվում է դեսպանատան թվիթերյան էջում ։ Պետդումայում «ԼԺՀ /ԴԺՀ» հարցով քվեարկությունն այսօր Ուկրաինայի ինքնիշխանությունը խախտելու հերթական օդիոզ փորձն է և Մինսկի համաձայնագրերի ակնհայտ խախտում, որոնք ստորագրողներին պարտավորեցնում են վերաինտեգրել այդ տարածաշրջանները: Մենք Ուկրաինայի հետ ենք», – նշել են ամերիկացի դիվանագետները։
Հիշեցնենք, որ փետրվարի 15-ին Ռուսաստանի Պետդուման հավանություն էր տվել կոմունիստների խմբակցության՝ ՌԴ նախագահ Վլադիմիր Պուտինին ուղղված դիմումին ՝ «ԼԺՀ»-ն և «ԴԺՀ»-ն անկախ պետություններ ճանաչելու խնդրանքով: Ուկրաինայի Գերագույն Ռադան, իր հերթին, որոշում է ընդունել միջազգային կազմակերպություններին, աշխարհի պետությունների կառավարություններին և խորհրդարաններին դիմել ինքնահռչակ «ԼԺՀ»-ի և «ԴԺՀ»-ի չճանաչման վերաբերյալ: