Պաշտոնական այցով Թեհրան է ժամանել Հնդկաստանի նավագնացության նախարարը։
Հնդկաստանի նավահանգիստների, նավագնացության և ջրային ուղիների նախարար Սարբանանդա Սոնովալը ժամանել է Թեհրան՝ քննարկելու Իրանի Իսլամական Հանրապետության իշխանությունների հետ համագործակցության ընդլայնման հարցը։
Այս մասին հայտնում է իրանական Mehr News գործակալությունը։
Իրանի նավահանգիստների և նավագնացության կազմակերպության հաղորդմամբ՝ հնդիկ նախարարը բարձրաստիճան պատվիրակության գլխավորությամբ մեկնել է Թեհրան, որտեղ նրան հանդիսավոր դիմավորել է Իրանի ճանապարհների և քաղաքաշինության փոխնախարար Ալի Աքբար Սաֆային։
Որոշ ականավոր տնօրեններ, ինչպիսին է «India Ports Global Ltd»-ի գործադիր տնօրեն Սունիլ Մուկունդանը, ուղեկցում են հնդիկ նախարարին Իրան կատարած այցի ժամանակ:
Նախատեսվում է Հնդկաստանի պատվիրակության այցը Չաբահար քաղաքի նավահանգստային տերմինալներ և ենթակառուցվածքներ, բանակցություններ անցկացնել Իրանի ճանապարհների և քաղաքաշինության նախարար Ռոստամ Ղասեմիի հետ, փաստաթուղթ ստորագրել տրանսպորտի, նավահանգիստների և ծովային տրանսպորտի վերաբերյալ գործառնական համաձայնագրերի կնքման մասին, ինչպես նաև հանդիպել որոշ իրանցի պաշտոնյաներ ճամփորդական ծրագրերի շրջանակներում:
Սաֆայը հույս է հայտնել, որ երկու երկրների համագործակցությունը կընդլայնվի բոլոր ոլորտներում, ներառյալ ծովային և նավահանգստային համագործակցությունը։