Լուրեր

Վերջին տվյալներով Լեհաստանի կառավարությունը համաձայնել է անհապաղ իր ունեցած ՄիԳ 29 կործանիչները հանձնել ԱՄՆ ի ենթակայությանը, որից հետո ԱՄՆ կտրամադրի դրանք Ուկրաինային, այսպիսով մասամբ կլուծվի Ուկրաինայի օդային տարածքի պաշտպանության հարցը։ Լեհաստանը ՆԱՏՕ-ի անդամ մյուս երկրներին կոչ է արել նույն կերպ վարվել իրենց ունեցած ՄիԳ ինքնաթիռների հետ։

Ուկրաինայի պաշտպանության փոխնախարար Աննա Մալիարը նշում է, որ Ուկրաինան արդեն ուշքի է եկել ցնցումից, իսկ հակառակորդն ամեն օր կորցնում է իր ռեսուրսները՝ ապամոտիվացիայի ենթարկվելով ու բարոյալքվելով։ «Այս պատերազմի յուրաքանչյուր օրը, պատերազմի այս ակտիվ փուլը մեր օգտին է, քանի որ մենք արդեն վերականգնվել ենք շոկից, մեր հասարակությունը հիմա շատ հզոր է, իսկ թշնամին օր օրի կորցնում է իր ռեսուրսը՝ ապամոտիվացված, բարոյալքված: Որովհետև նրանց ծրագրերը չիրականացան՝ նրանք մեկ օրում չգրավեցին Ուկրաինան»,- ընդգծել է Մալիարը։...

Գերեվարված երեք ռուս զինծառայողներ մամուլի ասուլիս են տվել «Ունիան» լրատվական գործակալությունում։ Բանտարկյալները լրատվական գործակալություն են ժամանել Ռուսաստանի Դաշնության երեք ոստիկաններ՝ անվտանգության ուժերի ուղեկցությամբ։  https://www.youtube.com/watch?v=oS8ktqe5LEY

Նախագահ Վլադիմիր Զելենսկու գրասենյակի ղեկավարի խորհրդական Ալեքսեյ Արեստովիչը նշում է, որ Ուկրաինայի զինված ուժերն առաջին անգամ հարձակման են անցել Դոնբասում, և մասնավորապես առաջ են շարժվել Դոնեցկի շրջանի օկուպացված Գորլովկայի մատույցներում։ «Մեր ստորաբաժանումների մեծ մասը պահում է իրենց դիրքերը, և մեր բրիգադներից մեկը նույնիսկ առաջ է գնացել Գորլովկայի մատույցներում: Հիմա նրանք այնտեղ ամրացնում են դիրքերը և հավանաբար կզարգացնեն հարձակողական գործողությունը, որը չի կարող լավ չլինել, քանի որ առաջին անգամ 7 օրվա ընփացքում- առաջին անգամ մեր ստորաբաժանումները հարձակման անցան առանձին ուղղությամբ։ Եվ կարծում եմ, որ սա վերջին հարձակումը չէ, և ոչ վերջին հակահարձակումը, և կգա ժամանակ, շուտով կգա, երբ մենք կազատագրենք մեր հողը, այլ ոչ թե պարզապես կպաշտպանենք այն»,- ընդգծել է Արեստովիչը:...

Մեծ Բրիտանիայի վարչապետ Բորիս Ջոնսոնն ընդգծել է, որ ՌԴ նախագահ Վլադիմիր Պուտինի գործողություններն Ուկրաինայում որակվում են որպես ռազմական հանցագործություն։ «Իր նողկալի հարձակման ժամանակ ինքնիշխան երկրի վրա, նա թերագնահատեց ուկրաինացի ժողովրդի արտասովոր տոկունությունը և ազատ աշխարհի միասնությունն ու վճռականությունը՝ ընդդիմանալու ռուսական բարբարոսությանը: Եթե Պուտինը կրկնապատկի իր գործողությունները, ապա մենք նոիյնպես կկրկնապատկենք, ավելի մեծացնելով տնտեսական ճնշումը և կաջակցենք Ուկրաինային ֆինանսներով, զենքով և մարդասիրական օգնություններով»,- հավելել է Ջոնսոնը։ Նա վստահեցրել է, որ Բրիտանիան «կշարունակի սեղմել պուտինյան ռեժիմի շուրջ օղակը»։ «Պուտինը պետք է ձախողվի իր մոլախաղում, և ես չեմ կասկածում, որ նա կձախողվի, և մենք կհաջողենք պաշտպանել Ուկրաինան», - ասել է Ջոնսոնը։...

Եվրահանձնաժողովի նախագահ ՈՒրսուլա Վան դեր Լեյենը հանդիպել է Վրաստանի նախագահ Սալոմե Զուրաբիշվիլու հետ։ Հանդիպման ընթացքում կողմերը անդրադարձել են ներկայիս անվտանգային ճգնաժամի հետ կապված  հարցերին։ Եվրահանձնաժողովի նախագահը հատուկ ընդգծել է, որ իրենք հարգում  են և աջակցում Վրաստանի ինքնիշխանությունն ու տարածքային ամբողջականությունը։