պատերազմ Ուկրաինայում

Մեծ Բրիտանիայի արտաքին գործերի պետական քարտուղար Լիզ Թրասը հեռախոսազրույց է ունեցել Չինաստանի արտաքին գործերի նախարար Վանգ Յիի հետ Ուկրաինայի նկատմամբ ռուսական ագրեսիայի վերաբերյալ: Լիզ Թրասը իր խոսքւոմ նշել է,-«Մեծ Բրիտանիան  Չինաստանից, որպես ՄԱԿ անվտանգության խորհրդի հիմնական անդամ երկիր ակնկալում է, որ նա պետք է պաշտպանի Ուկրաինայի ինքնիշխանությունն ու տարածքային ամբողջականությունը»:

Մայրաքաղաքի փողոցներում՝ տեխնիկա, մարդիկ ռմբապաստարաններում և ապաստարաններում են:  

Էստոնիան Ուկրաինա է ուղարկում «Javelin» հակատանկային հրթիռային համակարգեր: Այս մասին «Facebook»-ում հայտնել է Ուկրաինայի ժողովրդական պատգամավոր Ալեքսի Գոնչարենկոն։ Նա գրում է. «Էստոնիան լրացուցիչ «նիզակներ» է ուղարկում Ուկրաինա։ Շնորհակալություն ընկերներ, սա հիմա կարևոր է։ Մենք հավերժ կհիշենք»։

«ՈւԴԱՌ»-ի առաջնորդ, Կիևի քաղաքապետ Վիտալի Կլիչկոն զենքը ձեռքին կպաշտպանի Ուկրաինան։ «Սա արդեն արյունալի պատերազմ է: Ես այլընտրանք չունեմ: Ես պետք է անեմ դա: Ես կկռվեմ»,-ասել է Կլիչկոն «Հիմա Պուտինը ռազմական հռետորաբանություն է օգտագործում: Նա հասկացնում է, որ ցանկանում է ոչնչացնել պետությունը և քաղաքացիների ինքնիշխանությունը: Այս խոսքերին հաջորդում են գնդակոծությունները և տանկերը: Մենք ապրում ենք ավերածություններ և մահ: Մենք պաշտպանվելու ենք ամեն կերպ և պայքար հանուն ազատության և ժողովրդավարության»,- ընդգծել է նա։  ...

Ուկրաինայի զինված ուժերի գլխավոր հրամանատար Վալերի Զալուժնիի կողմից հրապարակվել է ռուսական կողմի կորուստների ցանկը փետրվարի 25-ի ժամը 00:25-ի դրությամբ. ավելի քան 30 տանկ, 130 զրահատեխնիկա, 5 ինքնաթիռ, 6 ուղղաթիռ «Փետրվարի 25-ի ժամը 00:00-ի դրությամբ ՊԲ խմբավորումը կազմակերպված պաշտպանական գործողություն է իրականացնում հարավում։ Ուժերի որոշակի կազմը պաշտպանական մարտեր է վարում Խերսոնից դեպի արևելք ընկած տարածքում։ Ուկրաինայի զինված ուժերի մեքենայացված ստորաբաժանումները հետ են գրավել ճանապարհային կամուրջը և ամրացել Դնեպրի ձախ ափին: Մեր մեքենայացված ստորաբաժանումները Ռիկովոյի շրջանում ջախջախել են հակառակորդի գերակա ուժերին։ Սիվերսկու ուղղությամբ մարտեր են ընթանում Պոբեդայի և Գլուխովի շրջաններում։ Թշնամու շարասյունը կանգնեցված է: Չեռնիգովի ուղղությամբ Բելոուս գետի երկայնքով առաջին տանկա...

«Այս արյունահեղ կադրերը արվել են օտարազգի լուսանկարիչ Վոլֆգանգ Շվանի կողմից: Սեփական կյանքի վտանգելով,իր տեսախցիկի օբյեկտիվով նա ցույց է տալիս պատերազմը ինչպես որ կա: Առանց Կրեմլի հորինած պատմությունների և առանց որևէ բան ապացուցելու անհրաժեշտության»:  

ԱՄՆ պետքարտուղար Էնթոնի Բլինքենը զրուցել է Հնդկաստանի Արտաքին գործերի նախարար  դոկտոր Ս. Ջայշանքարի հետ Ուկրաինայի վերաբերյալ: «Այսօր խոսել եմ Հնդկաստանի Արտաքին գործերի նախարար  դոկտոր Ս. Ջայշանքարի հետ Ուկրաինայի ճգնաժամի վերաբերյալ, և կարևորել Ռուսաստանի ագրեսիայի դեմ մեր հավաքական դիմակայումը»: Ռուսաստանի հարձակումը Ուկրաինայի ինքնիշխանության և տարածքային ամբողջականության դեմ միջազգային կարգի կոպիտ խախտում է,- ասել է Էնթոնի Բլինքենը:...

Ուկրաինայի Զինված ուժերի գլխավոր հրամանատար Վալերի Զալուժնին դիմել է իր զինակիցներին և շնորհակալություն հայտնել երկիրը պաշտպանելու համար։ «Հարգելի գեներալներ, սպաներ, սերժանտներ և զինվորներ, հարգելի մարտական ​​ընկերներ, շնորհակալություն ձեզնից յուրաքանչյուրին, ով այսօր շարքերում պաշտպանում է մեր հողը ռուս օկուպանտից: Շնորհակալություն ձեր ընտանիքին սպասելու համար: Շնորհակալություն ուկրաինացի ժողովրդին վստահության համար,  օգնության, աղոթքների»,- ասել է Զալուժնին։ Նա նաև շնորհակալություն հայտնեց միջազգային գործընկերներին, սակայն նշեց, որ այժմ գործելու, ոչ թե քննարկելու ժամանակն է։...